Герасимовски: Нема да дозволам тужби од 50 милиони евра, решение за Треска мора ќе се најде согласно законот

Од:

Нема да дозволам Општина Центар да се доведе во ризик да треба да исплаќа отштета од 50 милиони евра, вели градоначалникот Горан Герасимовски во интервју за Локално. Сопствениците на приватните имоти на територијата на поранешната фабрика „Треска“, најавија дека ќе ја тужат општината, бидејќи три години не им е дозволено да градат.

dobivaj vesti na viber

„Секако дека тужби се можни и формално-правно сопствениците имаат основа за тоа, но верувам дека до тоа нема да дојде. Општината во ниеден случај не може да се соочи со таков ризик, ние веќе имаме минати искуства каде општината плаќала огромни суми пари за слични спорови. Јас како градоначалник сметам дека е целосно неоправдано да се дозволи ваков исход. Општината мора да ги почитува законски прописи и да работи во најдобар интерес на граѓаните и јас тоа го правам. За мене е навистина неразбирливо, зошто со години овој проблем не бил решен. Лично сметам и кажував пред изборите, дека мораториумот не беше соодветна алатка и начин да се решаваат урбанистичките проблеми во Центар, особено не мораториум кој остана на сила повеќе години“,вели Герасимовски во интервјуто и додава дека, „Шанса за Центар“ преку Јана Белчева можела да најде решение со учество во решавање на овој проблем, со што сè ова денес би се избегнало, но таа додека претседавала со Советот тоа не го направила.

Градоначалникот на Општината најавува дека ќе го свика Партиципативното тело, за на заедничка маса да се решат сите отворени прашања, но и дека ќе се залага законско решение да има час поскоро.

„Апсолутно, Општината од почетокот отворено настапува со сите засегнати страни и ние веќе ваков состанок имавме. На тој состанок беа изложени сите факти во однос на целиот случај и постапките кои се водат. Наскоро ќе свикаме нова средба на која повторно ќе разговараме, но јасно кажувам дека решение набрзо мора да има и тоа да значи конечно надминување на овие отворени прашања. Урбанизација на „Треска“ е нужна покрај другото затоа што таму во моментот е најголемата депонија во центарот на градот. Не е во ничиј интерес тоа да остане така“, изјави Герасимовски за Локално.

 

 

 

*PR текст

Би можело да ве интересира

Во последните пет години незаконски биле единствено мораториумите за градење, реагираат од Центар по обвинувањата за новата единаесеткатница

Маја Илиевска-Пачемска

Герасимовски издаде одобрение за нова единаесеткатница кај „Холидеј ин“; „Шанса за Центар“ го потсети дека планот е незаконски

Маја Илиевска-Пачемска

Герасимовски: Изборот на Валентина Ангелковска за најдобар одделенски наставник во земјата е уште едно признание за квалитетот на образованието во Центар

Ана Ололовска

Герасимовски: Ветеното кон пензионерите целосно исполнето, отворени сите три пензионерски клубови

Герасимовски: Секое дете треба да има можност да го исполни својот сон

Нова зонска поделба на паркиралиштата на ЈП Паркинзи на Општина Центар