Купишта смет, пластични шишиња, остатоци од храна и хартии. Вака, во овој прекрасен октомвриски ден, беше нагрдена убавината на Матка.
Сметот е собиран, но толку. Никој не се потрудил и да го складира и затоа е оставен на пешачката патека.
Општина Сарај, град Скопје, градска чистота, кој и да е надлежен треба да исчисти, за да не биде ова сликата која многубројните гости и туристи од странство ја гледаат.
А совеста, домашното воспитување и еколошката култура на сите оние добронамерници на Матка, останала некаде заборавена.