Активисти ја чистеа Матка

Од:

По повод Светскиот ден на водата – 22 март, денеска претставници на здружението Македонско-хрватско друштво (МХД) и на еколошкиот клуб „Пена“ го чистеа езерото и кањонот Матка.

dobivaj vesti na viber

Од МХД соопштија дека и покрај лошите временски услови и непрегледноста во водата, предвидените еколошки активности се реализираа успешно, со околу 20 нуркачи од повеќе градови, кои го чистеа езерото од пластичен и останат отпад.

Настанот е во рамки на проектот „За чиста и здрава вода, стоп за загадувањето на водата“, а целта е кревање на свеста за екологија и чување на природните богатства во државата.

Исто така, во рамки на проектот е и чистење на природните и вештачките езера од пластични предмети гуми, делови од моторни возила, разни метални предмети, а особено чистење од заостанати рибарски мрежи во кои се фаќаат рибите и угинуваат. При тоа во процесот на распаѓање предизвикуваат појава на дислокација на цели врсти на риби и други подводни животни.

Втора специфична цел, како што посочуваат од здружението, е вклучување на месното население, а особено младата популација, која треба да ги усвои позитивните навики во секојдневното живеење во урбана средина.

Проектот почна на 21 март оваа година, со активност во Тетово, каде се реализираше еколошката акцијата за чистење на реката Пена и месноста Бањиче. Во рамките на проектот предвидени се уште три еколошки акции со чистење на езерото Младост во Велес и Дојранското и Мавровското Езеро.

– Подигање на свеста на зачувување на природата посебно на водата ќе има зголемено влијание во иднина бидејќи ќе допринесе да се намалување на загадувањето на природата и езерата и здрава животна средина, соопштија од МХД.

Овој проект е финансиски поддржан од програмата на Цивика мобилитас, програма за поддршка на граѓанското општество.

Би можело да ве интересира

Утре над 500 домашни и странски тркачи ќе учествуваат во трката Водно-Матка Треилс

Ана Ололовска

Овој викенд по петти пат ултимативната планинска трка – Водно-Матка Треилс

Ана Ололовска

Изгоре кампер-возило на полски туристи на Матка

Жарко Настоски

Град Скопје го прифати предлогот кањонот Матка да стане споменик на природата

Катерина Павлова-Николовска

Анитикорупционерите ќе бараат Советот на јавни обвинители да ја преиспита одлуката за Матка и работата на обвинителот

Кристијан Ландов

Обвинителство: Отфрлена кривичната пријава против градоначалникот на Сарај за дивите платформи на Матка​

Ана Ололовска