Обилни врнежи од дожд и град попладнево го погодија Берово. Нестабилна облачност проследена со краткотраен пороен дожд, грмежи и засилен ветар за денеска прогнозираа и од Управата за хидрометеоролошки работи за попладневните часови.
Температурите денеска ќе се движат до 38-от степен, но се очекува и разладување. Наместа, предвидуваат оттаму, ќе има поизразена нестабилност со невреме и пообилни поројни дождови, грмотевици па и појава на град особено во источниот и југоистичниот дел на земјава.
Истата временска состојба ќе продолжи во текот на неделава. Според УХМР се очекува малку попријатно време, променливо и облачно.