Финансиската полиција со добиената документација ќе го истражува случајот со Државната комисија за спречување на корупција, со ненаменското трошење на буџетски средства, информираше на денешната прес конференција директорот на Финансиската полиција, Арафат Муареми.
Во тек е првата фаза од истрагата за ДСКС, јавноста ќе биде информирана за сознанијата кои ќе произлезат од проверката на документите кои се доставени до нив. Имаме разбирање и соработка со ДКСК, секоја документација ја доставуваат непречено. Во втората фаза ќе имаме и точен износ колку е оштетена државата“, вели Муареми.
Финансиските инспектори ги чешлаат документите од последниве три години на работењето на антикорупционерите и средствата кои ги земале од буџетот, по различни основи. По внатрешната ревизија во Комисијата за спречување корупција во јавноста се обелодени и дека постои сомневање дека антикорупционерите ги злоупотребиле парите од патните трошоци. Под притисокот од јавноста и медиумите, 5 од 7 члена поднесоа оставки меѓу нив и претседателот на комисијата, Игор Тантуровски.
Виктор Јованов