Обвинителката Фатиме Фетаи од СЈО, поради можноста од бегство и привршување на друг судски предмет, побара судот да обезбеди присуство на осудениот Ѓоко Поповски, поранешен помошник министер во МВР, алудирајќи на бегството на Горан Грујевски и Никола Бошкоски во Грција.
Одбраната на Поповски побара судот да не го прифати барањето за притвор и да ја земе предвид неговата влошена здравствена состојба и тоа што е семеен човек.
Адвокатот Стерјо Зиков рече дека казната е превисока и дека не постојат основи за да биде притворен затоа што Поповски редовно се јавувал на сите рочишта. Рече дека ќе ја обжалат пресудата пред Апелациониот суд.
Адвкокатката Сања Алексиќ, како дополнителна причина да не му биде определен притвор на Поповски, рече дека неговиот целосен имот е замрзнат.
Поповски е осуден на 9 години затворска казна за злоупотреба на службената положба.
Васко Маглешов