Ексразузнавачот Алексовски бил во станица бидејќи го снимал возилото на Џафери

Од:

Министерството за внатрешни работи потврди дека ексразузнавачот и советник на експретседателот Ѓорѓе Иванов, Синиша Алексовски, бил повикан во полициска станица да даде исказ. Оттаму за „А1он“ велат дека дошол на информативен разговор, бидејќи неовластено го снимал возилото на Талат Џафери, во близина на порта Македонија.

„Денеска С.А. беше повикан на информативен разговор во ПС Центар во врска со неовластено снимање на возилото на претседателот на Парламентот на 27.03.2020 кај Порта Македонија. Известен е јавен обвинител“, велат од МВР.

Претходно, „А1он“ објави дека Алексоски два часа остана во полициската станица Центар, каде се води предмет против него.

Екипа на „А1он“ го забележа влегувањето на Алексовски во станицата, а неговото излегување не можеше да го сними бидејќи истовремено полициски службеници го легитимираа новинарот поради, како што рекоа, евиденција за тоа кој се движи околу полицискиот објект. Во текот на распитот на Алексовски, полициски службеници двапати ја предупредуваа медиумската екипа дека е забрането снимање полицајци, прашувајќи кого чека пред станицата.

Инаку, Алексоски е отпуштен од Агенцијата за разузнавање со која раководи Еролд Муслиу бидејќи не добил безбедносен сертификат од Агенцијата за национална безбедност. Претходно, техничкиот министер за внатрешни работи побара Алексоски да биде трансфериран во неговиот тим, но тоа го оспори неговата заменичка, Славјанка Петровска.

Би можело да ве интересира

Уште се чека за пасош со месеци, постапката забрзана ама само за оние што имаат да платат 100 евра

МВР: Скопјанка нападнала новинар, но и полициски службеник

Тошковски: Управниот суд донесе пресуди со кои поништи три незаконски одлуки на Владата

Орце Костов

Убиениот лекар бил матичен од Железара – се прегледува видеонадзорот за да се најде убиецот

Анита Петровска Рајковиќ

Приведена тетовка барана со потерница

Уапсени двајца скопјани затекнати како се дрогираат во стан на дилер од Скопје – уапсен и дилерот