Чулев призна дека сака Алексовски да биде дел од неговиот тим

Од:

Техничкиот министер за внатрешни работи, Наќе Чулев, потврди дека бара разузнавачот Синиша Алексовски, кој се споменуваше во текот на судењето за упадот во Собранието, да биде дел од неговиот кабинет во министерството.

Чулев не одговори дали според него е спорно тоа што разузнавачот Алексовски е споменуван во судскиот процес за упадот во Собранието на 27 април, од обвинетите браќа Стефан и Михаил Младеновски. Алексовски беше посочен како лице од кабинетот на експретседателот Ѓорге Иванов кое им кажало на напаѓачите дека ќе биде прогласена воена состојба, за по рочиштето, преку претседателскиот кабинет да биде посочено дека станува збор за лажно сведочење.

„Во однос на Синиша Алексовски, да, испративме спогодба до Агенцијата за разузнавање. Но, против Синиша Алексовски не е поведена кривична постапка, ниту е обвинет во некој случај до сега. Се друго се инсинуации во медиумите, во однос на неговиот интегритет. До сега, нема кривична пријава, обвинителен акт, ниту е осуден за било какво дело“, рече Чулев пред новинарите.

Техничкиот минситер за внатрешни работи Наќе Чулев, демантираше дека барал Кирил Тодоровски, поранешен шеф на кабинетот на Гордана Јанкулоска и обвинет од СЈО во „Титаник“ за тешки изборни нерегуларности, да биде дел од неговиот кабинет. Тој вели дека таа вест е медиумски спин.

„За Кирил Тодоровски е класична лажна вест. Кирил Тодоровски нема работен статус ниту во Агенцијата за разузнавање, значи дека не можам да го превземам. Станува збор за класичен спин. За тоа, самото лице ќе си покрене постапка пред надлежните органи. Никогаш не сум имал намера да го превземам Кирил Тодоровски во Минситерството за внатрешни работи“, посочи Чулев.

Барањето за превземање на Алексовски од Агенцијата за разузнавање го спори дополнителната заменичка-министерка, Славјанка Петровска. Таа одбила да ја потпише согласноста за спогодбено превземање на Алексовски, бидејќи не била убедена во неопходноста за негово ангажирање во МВР.

Би можело да ве интересира

Интервентна единица приведе лице барано за издржување мерка притвор

Ана Ололовска

Кривични пријави против три лица за приложување лажен ПЦР тест на ГП „Табановце“

Ана Ололовска

Во Чегране уапсен 16-годишник по пријава дека со остар предмет нападнал врсник

Ана Ололовска

Приведен жител на Студеничани за доиздржување на затворска казна

Ана Ололовска

Приведен 19-годишен крадец, расчистени три кривични дела

Ана Ололовска

Претрес во Кавадарци, пронајден хероин

Ана Ололовска