Еко-активистите ѝ дозволија само на општина Гостивар да носи смет на депонијата Русино

Од:

По речиси тридневна блокада, комуналниот отпад од гостиварската општина повторно се носи на депонијата Русино. Локалната власт и граѓаните кои протестираат постигнаа привремен договор, со што се спречи наталожување на отпадот во градот и околните населби.

dobivaj vesti na viber

Од граѓанската иницијатива „Стоп Русино – чист воздух за Гостивар“ потврдија дека ќе ги пропуштаат само возилата на гостиварски Комуналец, додека забраната за другите комунални претпријатија ќе важи и понатаму.

До договорот дојде откако Општина Гостивар исполни едно од барањата – испрати документ со барање до Владата и Министерството за екологија за решавање на проблемот со депонијата Русино.

Прекинот на блокадата, која започна од недела напладне, синоќа околу 22 часот ја потврди и директорот на ЈП Комуналец, Исак Љазами.

Од иницијативата нагласуваат дека на блокадата ќе останат до 12 август,  до кога ќе го контролираат одлагањето на отпадот. Очекуваат да бидат исполнети сите нивни барања. Нивната крајна цел е депонијата Русино да се затвори и да изгради нова според ЕУ стандарди.

Гостиварското комуналното претпријатие се соочи со проблем, откако три дена не можеше да транспортира смет на депонијата. Ѓубрето од контејнерите го складираше во една од халите кои ги користи како магацин.

Во меѓувреме, градоначалникот на Гостивар, Арбен Таравари обвини дека околу протестите за „Русино“ има нечесни игри во кои е вмешана политиката.

Би можело да ве интересира

Кривична пријава за скопјанец кој тргувал со отпад

А1он

Полицаец со неговиот татко ја нападнал поранешната партнерка пред судница во гостиварскиот суд

А1он

Осомничен дилер на хероин во Гостивар

А1он

Приведен гостиварчанец кој со секира нападнал новинар

А1он

Поведена постапка во скопското обвинителство против дилер од Гостивар

А1он

Покренато обвинение за браќа кои со стапови претепале човек

А1он