ЕК очекува почеток на преговорите со Северна Македонија и Албанија што поскоро

Од:

По изјавата на германскиот министер за надворешни работи Хајко Мас дека не треба да се раздвојат Северна Македонија и Албанија во преговарачкиот процес со Европската Унија, со сличен став реагираше и Европската комисија.

Портпаролката за проширување Ана Писонеро на денешниот редовен брифинг за новинари одговарајќи на прашање го повтори ставот на Европската Комисија.

– Европската Комисија со нетрпение очекува одржување на првата Меѓувладина конференција со Северна Македонија и Албанија што е можно поскоро, ова е јасна позиција на Комисијата, но Советот е тој што треба да ги одобри преговарачките рамки што ги поднесовме веќе пред некое време, рече Писонеро.

Таа додаде дека се очекува од португалското претседателство да ги свика конференциите за двете земји што поскоро.

Европската Комисија смета дека двете земји се подготвени да ги започнат преговорите со ЕУ штом земјите членки дадат зелено светло за усвојување на преговарачката рамка и одржување на првата Меѓувладина конференција.

Би можело да ве интересира

Медиуми: Домаќинствата во земјите од ЕУ се предупредени да подготват пакети за преживување

ЗНАМ: Филипче ти и твојот ментор Заев сте срам за сите чесни членови на СДСМ

Филипче: Парите на граѓаните мора да служат за јавниот интерес, а не за привилегии и лични уживања на власта

Родители на деца со симптоми на труење велат јаделе пилешки стек, АХВ времено затвори седнвичара во Штип

Андоновска: Луѓето на СДС и ДУИ во судството го спасија Филипче од одговорност за пожарот во модуларната болница, со тие кадри нема независно судство

Лабудовиќ на осветувањето на „Свети Константин и Елена“: Центар ќе го почитува своето наследство и верските чувства на граѓаните