Министерот за здравство, Фатмир Меџити вели дека пукањето кое вчера доцна попладнето се случи пред тетовската клиника било поради нерешени проблеми и случајно се случило таму. Двајцата повредени, според информациите кои ги добил од директорот на тетовската болница, се префрлени на скопските клиники.
„Двајцата се префрлени во Скопје. Едниот е во полесна, другиот во потешка состојба. Тие се префрлени на КАРИЛ, а другото ќе го расчисти МВР“, вели Меџити.
Вчера, СВР Тетово информираше дека околу 18 часот и 5 минути е пријавено пукање пред влезот на Ургентен центар во тетовската Клиничка болница, при што две лица од тетовското село Гајре се здобиле со прострелни рани.