Една година и осум месеци затвор за заканувачот Емил Јакимовски

Од:

Емил Јакимовски, поранешен вработен во Централниот регистар, е осуден на една година и осум месеци затвор за загрозување на сигурноста кон неговата поранешна сопруга и за заканите упатени кон новинарката Мери Јордановска.

Пресудата денеска беше изречена во скопскиот Кривичен суд. Обвинителството предложи, а судот прифати тој да остане во притвор до правосилноста на пресудата.

Јакимовски ќе треба да лежи во психијатриската установа во Бардовци, додека лекарите не утврдат дека е во подобра здравствена состојба пред тој да биде вратен во затвор. Вештакот Александар Марцикиќ утврдил дека за Јакимовски е потребно задолжително лекување бидејќи може да го повтори делото, со оглед на тоа што страда од псхичко нарушување.

Јакимовски беше уапсен на 17 јануари, по пријавите за навреди и закани кон новинарките Мери Јордановска и Искра Коровошевска.

Тој беше пријавуван дека се заканувал и на директорката на Централниот регистар Марија Бошковска Јанковски, а закани упатуваше и на градоначалникот на Кавадарци Митко Јанчев.

Речиси сите рочишта од овој судски спор беа затворени за јавноста бидејќи се изнесуваа информации кои се од приватниот домен на животот на обвинетиот и оштетените.

Би можело да ве интересира

Судот му ја прати пресудата на Додик, има рок од 15 дена да се жали

Горан Наумовски

Кривичниот суд ја преиначи одлуката, Асмир Јахоски оди во притвор

Доживотен затвор за Елвин Куртовиќ за убиството кај „Мавровка“

Во Кривичен денеска треба да биде објавена пресудата за убиството кај „Мавровка“

Мерки за претпазливост против 10 лица поврзани со акцијата во КПУ Затвор „Скопје“

Горан Наумовски

20-годишен скопјанец со сатар и два ножа сакал да влезе во Кривичен суд