Не е откриено кој ги усмрти Камер Идризи и неговиот внук во скопски Бутел, ниту има осомничени сторители. По месец и половина, Обвинителството се уште го чека извештајот од собраните траги на местото каде се случи настанот. Нема откриени сторители, а од Обвинителството велат дека тоа е работа на МВР. Нерасчистено е и убиството од месец мај, кога убиени беа две лица на 24 и 28 годишна возраст, во кои било пукано со „калашников“.
Во случајот со Камер Идризи биле испукани 80 куршуми кон него и неговиот внук. Тој почина на лице место, а по неколку дена, во болнички услови, почина и неговиот внук, кој им подлегна на повредите. Во овој случај засега е познато само дека кон двете лица е пукано од возило „Ренџ ровер“.
„До овој момент до Основното јавно обвинителство Скопје не е поднесена кривична пријава против конкретни лица осомничени дека го извршиле кривичното дело, а не се пристигнати ниту извештаите од наредените вештачења со кои треба да се утврдат околностите“, велат од Обвинителството.
Полицијата и натаму трага по убијците кои усмртија две момчиња во Топанско Поле во мај годинава. Лицата кои со „калашников“ и пиштол убија 24 и 28-годишник од Скопје се во бегство. Убиството на двајцата скопјани се случи на улицата Македонско-косовска бригада. Убиените се превезувале со автомобил марка „цитроен“.асега е само познато дека се прегледувани снимки од видеонадзори од локални објекти, раскрсници и улици. Грозоморното убиство се случи околу 3 часот по полноќ.