Утрово пукотници се слушале во скопски Чаир, што ги вознемирило жителите, за подоцна настанот да го пријават во полицијата.
Службеници излегле на терен, потврдуваат од МВР, по што додаваат дека се пронајдени чаури. Засега не се знае кој и зошто пукал.
„Денес по 10 часот било пријавено дека на улицата Џон Кенеди се слушнало пукање од огнено оружје. По пријавата е излезено на местото на настанот, но не се пронајдени лица, а пронајдени се само четири чаури“, велат од МВР.
Пред две недели во Бутел од автоматска пушка беа испукани стотина куршуми кон скопјанец, а тој тоа го пријави во полиција.
Засега, овие два настани не се поврзуваат. За пукањето во Бутел се чека резултат од истрагата која треба да покаже кој пукал, како и причините за тоа.