ДКСК ќе поведе постапка за разрешувањето на директорот на Агенцијата за планирање на просторот

Од:

Државната комисија за спречување на корупција (ДКСК) на денешната јавна седница донесе одлука да отвори предмет за поднесениот приговор од страна на Љупчо Георгиевски за разрешување од фунцијата директор на Агенцијата за планирање на просторот на денот на распишувањето на локалните избори – 6 август. Комисијата смета дека приговорот со кој тој го обжалува разрешувањето е основан и во согласност со членот 8, став 1 алинеја 4 од Изборниот законик.

dobivaj vesti na viber

Претседателот на Комисијата Игор Тантуровски рече дека ќе биде испратено барање до Агенцијата за планирање на просторот до нив до да биде доставена документација во врска со случајот. Агенцијата е должна до ДКСК да достави оригинални документи врз основа на кои членовите ќе расправаат, но нема законски рок до кога треба тоа да го стори.

Георгиевски во приговорот навел дека одлуката за негово разрешување е незаконито и бара таа да се поништи.

Членот на Антикопрупциска Жаклина Дамчевска, која го образложи предметот смета дека исто така треба да се земе предвид и законитоста на именувањето на новото раководно лице на оваа Агенција.

– Од приложените писмени докази јасно е дека одлуката е донесена во период на изборен режим. Согласно дадената формулација во законот тој период го опфаќа и денот на донесувањето на решението за распишување на избори во конкретниот случај 6.8.2017 година, рече Дамчевска. Последователно на тоа, според неа, е дека именувањето на новото раководно лице од страна на Управниот одбор би се случило после тој ден што исто така е незаконито. – За тоа прашање нашата комисија е исто така надлежна и не смее да се оглуши, рече Дамчевска, која предложи продолжување на постапката по овој приговор и Комисијата да побара документи од Агенцијата.

Во врска со разрешувањето на јавниот обвинител Марко Зврлески, претседателот на Антикорупциска Тантуровски одговарајќи на новинарско прашање повтори дека она што го дала Комисијата како мислење не е сега креирано, туку дека вакво мислење било креирано уште пред пет изборни циклуси од друг состав на ДКСК. – Ние само го продолживме она што Комисијата го има земано како став, рече Тантуровски.

Би можело да ве интересира

Владата го следи случајот со патувањето на Тупанчески: Кога ќе бидат разгледани сите факти, ќе биде постапено

Кристијан Ландов

Ивановска за Тупанчески: Јас не знам зошто се шокира, ДКСК проверува дали ги испочитувале правните акти за примање подароци

Кристијан Ландов

ВИДЕО: Објавена снимка од атентат на Трамп

Предраг Петровиќ

ДКСК ќе поведе иницијатива за кривично гонење за организирање на новогодишната прослава на плоштадот во Скопје за 2020 година

Ана Ололовска

ДКСК констатира пет случаи на кумулација на функции кај избрани и именувани лица

А1он

ДКСК донесе одлука за запирање на предметот против Иванов за унапредување и именување на лица во Армијата

Ана Ололовска