Зголемување на надоместокот за членовите на избирачките одбори на предвремените парламентарни избори за 100 отсто, a oпштинските изборни комисии ќе добијат за 20 проценти поголем надоместок за успешното организирање на изборите, едногласно изгласа денеска Државната изборна комисија.
По 6.000 денари надомест ќе добијат и здравствените работници кои беа дел од посебните избирачки одбори.
„Ние сите овде едногласно одлучивме пред се надоместокот на членовите на избирачките одбори да го зголемиме со оглед на тоа дека тие беа најдиректно во контакт со гласачите и беа изложени на најголем ризик за нивното здравје“, изјави Елизабета Постоловска од ДИК.
Од ДИК велат дека не станува збор за награда, туку за заслужен надоместок. Членовите се согласни дека ДИК ги заштитила граѓаните и истовремено ги организирала изборите.