Министерката за правда, Рената Дескоска најави дека ако власта не успее да обезбеди двотретинско мнозинство, ќе иницира измени на закон за Совет за обвинители или други закони. Таа повтори дека ВМРО-ДПМНЕ опструира само за да ги спаси своите функционери од судските процеси.
„ВМРО-ДПМНЕ ретерира од решенија кои беа ставени во предлог текстот на нивно барање. Клучната разлика е во разрешницата на судските постапки на СЈО. На ВМРО-ДПМНЕ им е побитно да ги спасат обвинетите од СЈО отколку да се донесе квалитетен закон. Се надевам дека кога ќе ги достават амандманите, 80 пратеници ќе смогнат сила да го поддржат законот“, рече Дескоска.
Претходно со 57 гласа за се донесе потребата од носење на законот по скратена постапка.