Денот без автомобили одбележан и во Крива Паланка

Од:

По повод Европската недела на мобилност (ЕНМ), Општина Крива Паланка во соработка со Министерството за животна средина и просторно планирање, се вклучи во настанот „Комбинирај и движи се“ со активности што се преземаат за заштита на животната средина и на природата.

Овој ден општина Крива Паланка го одбележа, како Ден без автомобили, кога традиционално кај нас и во светот, се затвора сообраќајот на една или повеќе фреквентни сообраќајници и истите се резервираат за велосипедисти, пешаци или за јавниот транспорт. Целта е да се испрати силна порака за користење на алтернативните видови транспорт и за комбинирање на одржливите начини на превоз до саканата дестинација.

Европската недела на мобилност се одржува секоја година од 16 до 22 септември, а оваа година во општина Крива Паланка за активностите по повод овој ден без автомобили, се пријавија околу 220 учесници од невладиниот сектор, општинските училишта, институциите и граѓаните, исто така во паркот имаше интерактивни игри со велосипед, а беа вклучени и ликовните секции од училиштата. ЕНМ првпат беше иницирана во Франција во 1998 година, а во Македонија официјалното одбележување започна во 2001 година.

Би можело да ве интересира

Заловени 96 говеда во Крива Паланка, АХВ се соочува со опструкции од поранешните сопственици

Крива Паланка поднесe кривични пријави поради неспроведените решенија за одземање на добитокот

А1он

Митовски бара законски овластувања за да го реши проблемот со добитокот по улиците во Крива Паланка

Зад рудникoт за антимон во Крива Паланка стојат донатори на ВМРО-ДПМНЕ, тврди СДСМ

Катерина Ѓуровски

Градоначалникот на Крива Паланка да не се амнестира од проблемот со кравите, реагира АХВ

Уапсена е краварката од Крива Паланка по нарушување на јавниот ред

Горан Наумовски