Времето претпладнево во Македонија ќе биде сончево и многу топло, а попладне во западните делови со мала до умерена облачност. Ќе дува умерен, а во западните делови повремено засилен западен ветер.
Утринската температура ќе се движи од 11 до 19, а дневната од 32 до 38 степени.
Во Скопје слично време, претпладне сончево и топло, а попладне со мала до умерена облачност. Ќе дува умерен западен ветер. Утринската температура ќе се спушти до 19, а дневната ќе се искачи до 38 степени.
УВ-индексот ќе изнесува 7.
И денеска поголем дел од земјата ќе се наоѓа во портокалова фаза. Од недела попладне ќе има значителна промена на времето проследена со засилен ветер, локален дожд и опаѓање на дневната температура особено во западните и северните делови. Од понеделник ќе преовладува променливо облачно и посвежо време со сончеви периоди, а дневната температура ќе биде пониска за околу шест степени.