Времето утре сончево со мала облачност. Попладне во западните делови и сосема на исток ќе има појава на изолирана нестабилност со краткотраен пороен дожд и ретки грмежи. УВ индексот ќе биде 7. Утринската температура ќе биде во интервал од 6 до 14, а дневната од 23 до 30 степени.
Во Скопје сончево со мала до умерена облачност и со слаб ветер претежно со североисточен правец. Утринска температура ќе биде 10, а дневната ќе достигне до 28 степени.
Во деновите до среда во попладневните часови можна е изолирана појава на краткотраен пороен дожд и ретки грмежи. Во четврток и петок на повеќе места, претежно во попладневните часови, ќе биде нестабилно со пороен дожд и грмежи и повремено засилен северен ветер.