Во рамките на Црвен крст на Република Македонија веќе 16 години функционира програмата „Црвен крст во акција-Промоција на хумани вредности“, преку која младите добиваат обука како да изработуваат мали проекти за добробит на заедницата во која живееме.
Оваа година 1.200 младинци на возраст од 14 до 18 години изработија 210 проекти.
Во Црвениот крст на Република Македонија денеска ќе се додели Пехар на оние младинци од општински организации кои имаат изработено најмногу проекти со сонце, проекти кои направиле трајни промени во заедницата.
Оваа година програмата е поддржана од Амбасадата на САД во Македонија, а на настанот најавено е обраќање на амбасадорот, Пол Волерс.