Општинската организација на Црвен крст од Неготино денес по втор пат доби признание за најуспешна организација кога е во прашање програмата Црвен крст во акција, промоција на хумани вредности.
Пехарот кој го доделува републичкиот Црвен крст го прими секретарот на неготинскиот Црвен крст, Блаже Настов.
-Ова е само уште една потврда дека ние навистина работиме на полето на хуманоста. Така ќе продолжиме и во иднина бидејќи неготинци и демиркапијци се навистина хумани луѓе. Како што гледате признанието го добиваме во присуство на наши колеги од основни организации на црвен крст од други градови кои добија благодарници, но и други многубројни гости, рече Настов во изјава за медиумите.