Чулев го охрабри полицајците сериозно и професионално да пристапат кон организација на изборите

Од:

Министерот за внатрешни работи Наќе Чулев денеска ги посети единиците за внатрешни работи Ѓорче Петров и Чаир, при што оствари работни состаноци со раководствата на двете одделенија за внатрешни работи, упатувајќи апел двете полициските одделенија сериозно и професионално да пристапат кон организација на претстојните предвремени парламентарни избори.

-Евентуални изборни нерегуларности ќе бидат директен удар кон угледот, пред се, на полицијата, а потоа и на државата, потенцирал Чулев, соопшти Министерството за внатрешни работи.

Чулев истакнал дека е потребно полициските службеници да постапуваат максимално професионално и неселективно во секој случај каде постојат елементи на кривични дела против изборите и гласањето, без разлика на политичката припадност на оние кои ќе го прекршат законот, имајќи предвид дека овие избори се од големо значење за европската перспектива на земјата.

-Бескомпромисната борба против сите видови на изборни нерегуларности ќе ја потврди одлучноста на нашата земја да ги исполни сите стандарди кои се потребни за почнување на преговорите за влез во ЕУ, нрекол министерот Чулев.

На средбите е констатирано дека безбедносната состојба на двете подрачја е добра и во изминатиот период не се евидентирани потешки кривични дела, освен случајот во Ѓорче Петров каде беше фрлена експлозивна направа на трговски објекти, кој е сопственост на родителите на носител на листа од една политичка партија.

Би можело да ве интересира

ВИДЕО: ВМРО-ДПМНЕ бара Антикорупциската да отвори случај за финансирање на изборната кампања на СДСМ

А1он

Уште пет дена за договор за нова влада

А1он

СДСМ: Продолжуваат разговорите за нова влада со полн четиригодишен мандат

А1он

СДСМ тврди дека преговара за Влада со стабилно мнозинство, ВМРО-ДПМНЕ бара да ги кажат имињата на партиите

А1он

ДИК изгласа да се зголемат надоместоците на избирачките одбори за 100 проценти

А1он

ДИК не го тестирала софтверскиот систем пред изборите, загрозени личните податоци на граѓаните

А1он