ВИДЕО: Условна затворска казна за советникот на Чулев кој нападна началник од Тетово

Од:

Условна затворска казна му изрече судот на Зоран Ѓорѓиевски, поранешниот советник на екстехничкиот министер за внатрешни работи, Наќе Чулев. Судот ја донесе пресудата откако МВР поднесе кривична пријава, а Обвинителството обвинение откако за време на изборниот ден, Ѓорѓиевски физички нападна началник од СВР Тетово. Доколку Ѓорѓиевски, кој е избркан од МВР, стори ново кривично дело во наредните пет години, тој ќе треба да одлежи затворска казна од две години.

„По добивањето на пресудата ќе се произнесе дали ќе поднесе жалба по истата“, велат од Обвинителството, по денешното судење.

Осудениот Ѓорѓиевски во јули минатата година го нападна началникот на Единицата за безбедност во сообраќај во СВР Тетово, Зоран Талев, кој бил на терен поради увид на сообраќајна несреќа која се случила претходно. Инцидентот започнал со вербална расправија, а интервенирале и полициски службеници. Освен физичкиот напад, во снимка до која дојде „А1он“ од инцидентот се слушаат вербални закани, навреди и пцости од советникот на Чулев кога го напаѓа командирот.

Советникот Ѓорѓиевски ѝ е познат на јавноста и по инцидентот кој го предизвика кога во Македонија беше воведен полициски час. Тогаш, тој се закануваше на полициски службеник кој го сопре на контрола и му побара дозвола за движење. Тогаш, Ѓорѓиевски спротивно на своите овластувања, му издаваше и наредби на службеникот, посочувајќи му дека ако не го послуша, ќе трпи последици.

Би можело да ве интересира

133 санкционирани возачи во Скопје, 26 за брзо возење

Ана Ололовска

Пронајден пиштол, приведено лице од Визбегово

А1он

Пронајдена дрога во скопско Јурумлери, приведен дилер на кокаин и марихуана

А1он

Во Скопје приведен неготинчанец кој бил баран со потерница

А1он

Кривична пријава за дилер од Пехчево

А1он

ВИДЕО: Откриени и казнети 60 неисправни возила кои вршеле јавен превоз низ цела Македонија

А1он