Претседателот на Собранието на Република Македонија Талат Џафери упати честитка по повод 28 септември, Меѓународниот ден на Бошњаците.
– Република Македонија ја градиме сите заедно и секој придонес, било индивидуален или колективен е значаен придонес во насока на развојот и просперитет на државата. Нашите различности и специфики не прават да бидеме посебни, меѓутоа сплотувањето на тие разлики ја прави сликата побогата и поживописна во секој поглед – во културата, во образованието, во економијата, и во сите други области од општествениот живот, вели Џафери во честитката.
Заедно, додава претседателот на Парламентот, да изградиме напредна, безбедна, стабилна држава, држава со европски вредности и стандарди на почитување на човековите права и слободи и различности, држава на која ќе бидат горди поколенијата што доаѓаат после нас.