Царовска на координативен состанок со директорите на училиштата: Важно е да се почитуваат заштитните мерки за училиштата да останат безбедни

Од:

Образовниот систем е во добра кондиција и успешно се спроведува наставата со физичко присуство, според новите наставни програми за прво и четврто одделение предвидени со реформата во основно образование. За ова, но и за други актуелни теми денеска министерката за образование и наука Мила Царовска разговараше на редовен координативен состанок со директорите на основните и средните училишта, соопшти Министерството за образование и наука.

Директорите од основните училишта, како што се посочува, ја информираа Царовска дека нема потешкотии во инсталирањето на дигиталните учебници за четврто одделение. Апликациите веќе се испратени на родителите, а исто така се спуштени и на интерактивните табли во училиштата на кои учениците ја следат наставата. Првачињата исто така се обезбедени со нови учебници. Тие посочија дека наставниците и учениците се задоволни од новите наставни програми кои се поинтересни и со внимание ги реализираат и следат часовите.

На состанокот директорите ја информираа министерката за состојбата со Ковид-19 и посочија дека во сите училишта и во средните и во основните доследно се почитуваат мерките за заштита.

– Според податоците коишто ги добиваме од вас во моментот само 0,01 отсто од вкупниот број ученици се позитивни случаи. Ист е процентот и кај наставниците. Ова укажува дека бројот на активни случаи во училиштата е минимален и засега немаме трансмисија на вирусот во училиште. Апелирам на одговорно однесување од сите нас и на строго почитување на мерките, бидејќи покрај со вакцинацијата која е најдобрата заштита, од вирусот не штитат и маските и честата дезинфекција на рацете и просторот, рече министерката Царовска.

Министерката посочи дека во интерес на сите ученици, на наставниците и на родителите е училиштата да останат отворени што подолго за настава со физичко присуство бидејќи тоа е најдобрата опција.

– Образовниот систем е подготвен и со уште две сценарија кои може да започнат да се применуваат веднаш доколку се појави таква потреба, за што одлучува Комисијата за заштита од заразни болести. Важно е сите ние будно да ја следиме состојбата и навреме да реагираме кај епидемиолошките служби доколку постои сомнеж за позитивен случај, рече Царовска.

Министерството за образование и наука ја продолжува секојдневната комуникација и координација со училиштата со цел да се обезбедат безбедни услови и квалитетна настава, стои во соопштението.

Би можело да ве интересира

Нема евиденција дали 140 денари за оброк завршиле кај студентите, МОН исплаќал пари без утврдени легла во домовите, покажа ревизијата

Орце Костов

МОН за протестот на универзитетите: Ако постои волја во Собранието за колективен договор, ние ќе учествуваме во преговорите

МОН: Наместо на политички игри во училиштата, општина Тетово да се фокусира на квалитетна настава

„Министерката ми се закани дека ќе ме избрка“: Советничка во МОН била вознемирувана од Шаќири и Царовска

Орце Костов

Студентите најавија протест: „МОН не ни исплати стипендии кои ни требаат да запишеме семестар“

Орце Костов

Ректоратот бара, МОН ветува дека нема да се зголеми партиципацијата за студентите

Орце Костов