Царовска: Го унапредуваме начинот на постапување при сите форми на насилство врз жените и девојките

Од:

Привремените мерки за заштита од семејно насилство и добрите пракси и предизвици беа тема на денешната дебата по повод 16 дена активизам на која присуствуваше министерката за труд и социјална политика, Мила Царовска.

-Системот за превенција за да спречи било каква форма на насилство врз жените и девојките мора да вклучи работа и со сторителите на насилството. Работиме на унапредување и унифицирање на системот за постапување, изготвени и усвоени се стандарди и процедури за сите форми на насислтво во соработка со граѓанскиот сектор. За првпат е отворено засолниште за згрижување на жртви на сексуално насилство, а заедно со министерството за здравство отворени се три центри за жртви на сексуално насилство во состав на здравствените установи во Куманово, Тетово и Скопје, рече министерката Царовска на денешната дебата, организирана од Асоцијација за здравствена едукација и истражување, како дел од проектот „Советувалиште за превенција од употреба на дроги и семејно насилство“, поддржан од Град Скопје.

Таа потсети дека неодамна Владата го усвои Акцискиот план за спроведување на Истанбулската конвенција за периодот 2018-2020 година, и на иницираните измени на Кривичниот законик, но и на подготовката на предлог-законот за родово засновано насилство кои се прават во соработка со Министерството за правда.

Царовска истакна дека државата има должност да обезбеди услови за живот безбеден од насилство за секој поединец. Но, рече, за да се постигне реален успех во оваа борба сите ние мораме да продолжиме да работиме и заедно да испратиме јасна порака дека никој не смее да молчи.

На дебатата присуствуваа и преставници од Министерството за внатрешни работи, судии и граѓански организации кои работат на случаи поврзани со насислтво врз жените.

Би можело да ве интересира

МТСП: Исплатата на финансиската поддршка за ранливи категории граѓани на 13 февруари, списоците ќе бидат објавени на 6 февруари

Ана Ололовска

Притворен насилник кој крвнички ја тепал поранешната девојка и нејзината 6-годишна ќерка

Горан Наумовски

Тренчевска: Позитивните примери од Хрватска несомнено ќе придонесат во унапредување на системот за социјална и детска заштита

Ана Ололовска

Ковачевски: Социјална сигурност, повисоки пензии и нови градинки со Предлог-буџетот на МТСП за 2023

Ана Ололовска

МТСП: Отворен Центарот за жени жртви на семејно насилство во Полошкиот регион

Ана Ололовска

Списоците на корисници на финансиска поддршка објавени на веб страната на Министерството за труд и социјална политика

Ана Ололовска