Софија реагира на изјавата на премиерот Христијан Мицкоски дека Акцискиот план за заедниците бил оспорен од Бугарија затоа што бил подготвен на македонски јазик.
Од бугарското Министерство за надворешни работи посочуваат дека изборот на јазик е внатрешно прашање на Македонија и дека документот ќе се спроведува од македонските институции кон сопствените граѓани.
– Изборот на Скопје да го претстави нацртот на планот на англиски јазик е тешко да се објасни, особено ако Планот е планиран да се спроведе всушност, се наведува во соопштението на бугарското МНР.
Бугарија го гледа Планот како чекор кој следи по вклучувањето на Бугарите во македонскиот Устав, што е дел од подготовките за отворање на преговори со ЕУ.
Од Софија ги поздравуваат зборовите на Мицкоски дека ќе ги прифати сите забелешки на бугарската заедница.
Премиерот Мицкоски потврди дека забелешката од Бугарија се однесува на јазикот на документот, а не на суштината на мерките, и оти Акцискиот план останува клучен за евроинтегративниот процес на Македонија.