Борисов: Негативен сум на ковид тестот и можам да се сретнам со премиерот Зоран Заев

Од:

Премиерот на Бугарија, Бојко Борисов на „Фејсбук“ објави дека е негативен на ковид тестот и дека непречено ќе оствари средба со македонскиот премиер Зоран Заев на денешниот Самит за Западен Балкан во рамките на Берлинскиот процес.

„Јас сум негативен на Ковид-19. Ова го покажа вториот последователен тест. Во согласност со наредбите на здравствените власти, можам да се сретнам со премиерот на Република Северна Македонија, Зоран Заев и да го одржам Самитот од Берлинскиот процес“, рече Борисов.

Во Софија, денеска ќе се одржи лидерскиот Самит за Западен Балкан, на кој оваа година домаќини се Бугарија и нашата држава.

Македонската делегација на Самитот ја предводи претседателот на Владата, Зоран Заев, придружуван од вицепремиерите Битиќи и Никола Димитров, и министерот за надворешни работи Бујар Османи, соопшти владината прес-служба.

Со Самитот, кој заради пандемијата со Ковид-19 ќе се одржи преку видео конференциска врска ќе претседаваат премиерите на Македонија и на Бугарија, Зоран Заев и Бојко Борисов, а свои обраќања ќе имаат канцеларката на СР Германија, Ангела Меркел, на чија иницијатива започна и се спроведува Берлинскиот процес, претставник на Европската Комисија, генералната секретарка на Регионалниот совет за соработка, Мајлинда Брегу и директорот на Секретаријатот на ЦЕФТА, Емир Џикиќ.

На пленарната сесија на Самитот за Западен Балкан во рамките на Берлинскиот процес се очекува да учествуваат лидерите на земјите од Западен Балкан, како и заменик-претседателот на Европската комисија Жозеп Борел и еврокомесарот за соседство и проширување Оливер Вархеји.

Би можело да ве интересира

ВМРО-ДПМНЕ: Кога се зборува за економија и животен стандард, СДС треба да се скрие и да молчи

ВМРО-ДПМНЕ: СДС пак молчи за скандалите на Филипче со Заев

Лефков: Дали јахтата на која плови Филипче е на Заев и чини 850 илјади евра?

Човекот на фотографијата што ја објави Лефков, не е приведениот за подметнување пожар, реагира СДСМ

Катерина Ѓуровски

Возачот-потпалувач бил со Заев кога ги носеше „бомбите“ во СЈО, ВМРО-ДПМНЕ со фотографија тврди му бил близок

Катерина Ѓуровски

ВМРО-ДПМНЕ обвини дека уапсениот за подметнување пожар е шофер на Заев: Возеше инспектори, не сум го видел од 2016 одговара екс премиерот