Британскиот премиер Енди Бeрнам изјави дека Русија навистина се мешала во референдумот за Брегзит и предупреди дека слични руски активности се одвиваат во Франција и Германија, пренесува денес Би-Би-Си.
Говорејќи во еден подкаст, премиерот рече дека по преземањето на функцијата се распрашувал за можното руско мешање во гласањето за Брегзит во 2016 година, додавајќи оти добил јасен одговор со кој се потврдува дека тоа навистина се случило.
„Мислам дека всушност бевме премногу пасивни во тој поглед и недоволно ја информиравме јавноста за тоа во која мера се прават обиди од странство да се наруши политичкиот процес“, додаде тој.