Стадионот „Руевица“ во Риека беше место на вистинска фудбалска лекција и најтежок удар за хрватската репрезентација од нејзиното основање.
Англија во рамките на Лигата на нации ја прегази Хрватска со неверојатни 7:0 и на домашната репрезентација ѝ го нанесе најтешкиот пораз во историјата.
Од првата до последната минута на теренот постоеше само една екипа – Англија. Хрватска немаше решение за играта на гостите, кои со голема леснотија ја полнеа мрежата на Доминик Ливаковиќ.
„Гордиот Албион“ доминираше во секој сегмент од играта, создаваше шанси како на лента, а најдобар показател за целосната надмоќ е фактот што Хрватска го упати првиот удар кон голот дури во финишот на првото полувреме, преку Муса.
Сè беше решено уште по првите 45 минути, бидејќи Англија имаше предност од четири гола.
Гостите поведоа во осмата минута. Хари Кејн погоди по асистенцијата на Џуд Белингам за 1:0.
Во 21. минута Белингам зголеми на 2:0, по одличната асистенција од Ентони Гордон.
Во последните шест минути од првото полувреме следуваа уште два гола.
Гордон во 39. минута погоди за 3:0, а во судиското продолжение Букајо Сака ја затресе мрежата за 4:0.
И второто полувреме започна во истиот ритам. Англија продолжи со доминантната игра, а во 53. минута Кејн го постигна својот втор гол на натпреварот за 5:0. Овојпат асистент беше Џејмс Андерсон.
Хрватска продолжи да се мачи, а Англија изгледаше како да може да постигне гол кога ќе посака.
Во 68. минута Сака по вторпат на натпреварот ја затресе мрежата, за неверојатни 6:0.
Конечните 7:0 ги постави Морган Роџерс во 87. минута, по прекрасната асистенција од Белингам.
Англија со натпревар повеќе е прва на табелата со шест бода, додека Хрватска е трета со три бода.
Во следното коло Хрватска ќе ја пречека Шпанија, а натпреварот се игра на 6 октомври. Англија, пак, на домашен терен ќе ја пречека Чешка.