Бандити ограбиле обложувалница во Ченто, пукале, направиле сообраќајка и избегале

Од:

Полицијата е во потрага по разбојници кои вчеравечер, вооружени со пиштоли, ограбиле обложувалница во скопската населба Ченто. Тие за време на грабежот испукале еден куршум, пред да избегаат со „Форд Фиеста“, но по само околу еден километар од местото на грабежот, се судриле со друго возило, ја оставиле нивната кола и побегнале пеш, соопшти МВР.

„На 21.02.2021 околу 20.00 часот во СВР Скопје било пријавено дека во спортска обложувалница на ул.„Јужноморавски Бригади“ две лица со закана одзеле пари и при излегување од објектот испукале еден куршум. Според пријавеното, тие заминале со патничко возило „форд фиеста“, со скопски регистарски ознаки, и на ул.„Фуштанска“ удриле во патничко возило „мицубиши“, по што го оставиле нивното возило и побегнале,“ се додава во полициското соопштение.

Од МВР велат дека се преземаат мерки за расчистување на случајот.

Би можело да ве интересира

Во Скопје се санираат штетите од синоќешното невреме

Повеќе од 12 часа делови од Скопје без струја

Се истепале две фамилии во Штип, единаесетмина приведени

Споделувал детска порнографија во групи на социјални мрежи, приведен 28-годшник од Велешта

21-годишник загина во сообраќајна несреќа на патот Прилеп-Битола

Воз прегази скопјанец кај булеварот „Србија“

Катерина Ѓуровски