(ВИДЕО) Бачев: Мицкоски глуми дека го брани името, а на странците им ветил дека нема да ги попречува уставните измени

Од:

Мицкоски сега излегува на протест бидејќи следуваат избори. Во кампањата за претседателските избори тоа ќе се користи, ќе вели дека бил против уставните измени. Ова што го прави ВМРО-ДПМНЕ е симптоматично. Мицкоски на странците им вели дека нема им пречи во уставните измени, а во јавноста го лаже народот, вели лидерот на Единствена Македонија и еден од организаторите на протестите „Македонија блокира“, Јанко Бачев.

-Имавме едно вакво искуство од референдумот кога на самиот ден кога беше јасно дека нема да успее, Мицкоски рече дека нема да гласа што остава сомнеж за неговите намери. Тој откако виде дека „Македонија блокира“ имаше таква посетеност на протестот вчера, излезе со цел да си бара алиби помеѓу членството на партијата. Факт е дека членството на ВМРО-ДПМНЕ е против уставните промени, но Мицкоски на странците им зборува едно, кажува дека нема да им смета за промените, а во јавноста глуми пред членството дека го брани името, вели Бачев.

Лидерот на ЕМ вели дека доколку Мицкоски стварно бил против уставните измени треба да го повика целото членство на протест, така со сигурност истите ќе бидат стопирани.

-Тие како партија треба јавно да излезат и да го повикаат целото членство на протест. Доколку тука има 20 илјади луѓе ние ќе успееме во нашата намера да нема уставни промени, вели Бачев.

Тој додаде дека има и следна фаза односно алтернатива за стопирање на уставните измени доколку тие бидат изгласани, а тоа е претседателот Иванов. Според Бачев, претседателот има неколку опции да ги блокира уставните промени меѓу кои и непотпишување на донесената одлука.

Виктор Јованов

Би можело да ве интересира

(ВИДЕО) Рама: Македонија со право се сомнева дека ќе има ново вето и по внесувањето на Бугарите во Уставот, но мора да го исполни условот

Спортска сала, мамограф и патни инвестиции – премиерот Мицкоски најави нови проекти за Делчево и регионот

Мицкоски: Реалната нето-плата е за 5,2 отсто поголема, во владата на СДСМ и ДУИ беше намалена за пет отсто

Мицкоски од Берлин: Македонија активно учествува во разговорите за глобалната безбедност и предизвиците во светот

Мицкоски во Берлин на состанокот посветен на Украина: Ја потврдивме поддршката за постигнување праведен и траен мир преку дијалог, дипломатија и координација со нашите сојузници

Мицкоски со осуда за нападот врз девојката во Охрид: Ќе сториме сè сторителот да одговара пред правдата

Горан Наумовски