Авиони од Љубљана и Минхен се очекуваат денес, 1082 дојдени од странство се веќе во државен карантин

Од:

Два авиона, од Љубљана и Минхен, со наши државјани од се очекува денес да пристигнат во земјава, извести техничкиот министер за внатрешни работи Наќе Чулев. Вчера во земјава со хуманитарен авионски превоз од Малме и Загреб се вратиле 290 граѓани. Сите се однесени во државен карантин.

„ Во моментов вкупно 1082 граѓани се сместени во државен карантин. Досега вкупно 19 објекти се приспособени за оваа намена, а распоредот за сметување го прави Генералниот секретаријат  на Владата. Полициските службеници преземаат мерки за обезбедување на транспортот и спровод на лицата од државните граници до објектите како и внатрешно и надворешно обезбедување на државните карантини“, рече министерот Чулев.

Тој не кажа бројка на лица однесени во карантин поради непочитување на мерките за изолација и самоизолација но рече дека надлежните институции во моментов преземаат мерки за приспособување на објектите кои ќе бидат наменети за оваа категорија граѓани кои нема да ги почитуваат мерките за изолација и самоизолација,  а кои согласно одлуките на Владата ќе бидат сместени во државен карантин на сопствена сметка.

Би можело да ве интересира

Русија: Американски бомбардери откриени во близина на границата со Русија

Горан Наумовски

Министерство за одбрана: Италијанските воздухопловни сили ќе учествуваат во патролирање на македонското небо

„Луфтханза“ влегува на македонскиот пазар, стартува новата авиолинија Скопје-Франкфурт

Ана Ололовска

Максути: Трите противпожарни авиони се функционални

Горан Наумовски

Се подаруваат 500.000 авионски карти

Како „паднаа“ руските шпиони во Словенија: Изнајмиле канцеларија, лажеле дека се занимаваат со антиквитети

А1он