Архитектите се правдаат: Шилегов ни кажа дека нема пари за Универзална сала, затоа предложивме да се сруши, иако сметаме дека треба да се зачува

Од:

Асоцијацијата на архитекти на Македонија се јави со свој став околу уривањето на Универзалната сала, кое го најави Град Скопје.

„Нашиот став беше дека Универзална сала треба да остане во целост таква каква што е и да се реставрира во нејзиниот постоен облик и појавност. Од страна на Град Скопје бевме информирани дека средства за реставрирање и реновирање на постојниот објект на Универзална сала нема“, велат од Асоцијацијата.

Од ААМ го повикуваат Град Скопје да ги презентира во јавноста сите наоди кои ги има за постојната состојба на Универзалната сала.

„Би повикале уште еднаш, да се зачува постојниот објект и доколку Градот Скопје нема средства за таква намена, ја повикуваме и Владата на Република Северна Македонија да се произнесе пред јавноста дали може да се обезбедат средства да биде реконструиран и зачуван обејктот во неговата постојна големина и појавност“, велат од ААМ.

Според нив, Универзалната сала иако веќе пет години е надвор од употреба, претставува идентитетски топоним во кој е вградено огромно количество од културниот седимент на градот кој е составен од бескрајната низата настани одржани во изминатите 50 години.

Според Град Скопје, била утврдена потреба од поголема, современа концертна сала, со нова програма, а архитектите како предлог локација за градење на нова универзална сала, предложиле место во близина на спортската сала „Борис Трајковски“.

Реакцијата на Асоцијацијата на архитекти на Македонија, доаѓа откако јавноста се разбранува по најавата за уривање на Универзалната сала, а од Град Скопје рекоа дека таквиот потег бил предложен токму од архитектите.

Би можело да ве интересира

Министерството за култура ја презема реконструкцијата на Универзална сала

Владата го поддржала унапредувањето од хаусмајстор во сценски работник во Универзална кое Советот на Град Скопје не го изгласа

Орце Костов

Универзална бара хаусмајстор да се унапреди во сценски мајстор: Советот не ги усвои годишните планови за вработувања

Орце Костов

Советот на Град Скопје ја прифати иницијативата за преземање на Универзална сала од страна на Министерството за култура

СДСМ: Коалицијата Арсовска-ДПМНЕ-Левица против проектот за Универзална сала

СДСМ поднесува Иницијатива за времено отстапување на Универзална сала на Владата