Архиепископот на МПЦ-ОА г.г. Стефан испрати телеграма со сочувство до рускиот патријарх г.г. Кирил

Од:

Архиепископот на Македонската православна црква – Охридска Архиепископија г. г. Стефан испрати телеграма со сочувство до неговата светост, патријархот Московски и на цела Русија, г.г. Кирил за загинатите во терористички напад во концертната сала „Крокус сити холл“ во близина на Москва.

-Ваша светост, Длабоко сме нажалени од веста за грозоморниот терористички напад во концертната сала „Крокус сити холл“ во близина на Москва каде животот го загубија многу невини луѓе помеѓу кои и деца. Сострадувајќи со болката на семејствата на постраданите, од Свое, како и од името на клирот и на верниот народ на Македонската Православна Црква – Охридска Архиепископија, искажуваме најискрено сочувство, молејќи се за спасение на душите на починатите, а на повредените им посакуваме побрзо закрепнување, се посочува во телеграмата.

Вооружени напаѓачи во петокот вечерта влегоа во концертната сала во Красногорск, кај Москва, и почнале да пукаат кон посетителите, а потоа фрлиле запаливи средства, што предизвикало пожар.

Бројот на жртвите од масовното пукање во концертната сала „Крокус сити хол“ во близина на Москва достигна 137, а меѓу нив има и три деца, соопштија руските денеска власти.

Би можело да ве интересира

Лавров: ЕУ несмасно се обидува да го промени ставот на Трамп за Украина

Зеленски: Нападите ја потврдуваат потребата од посилен притисок врз Москва

Москва: ЕУ сака да го смени Орбан

Бенет: Општиот консензус во Москва е дека Владимир Путин направи многу добар потег

ФСБ: Спречен е терористички напад во Московскиот регион

Песков: Сите треба да бидат многу, многу внимателни кога станува збор за нуклеарна реторика