Апелациониот суд попладнево ја одби жалбата на Јавното обвинителство и одлучи членовите на Левица, Здравко Савевски и Владимир Куновски да останат во домашен притвор до судењето, потврдуваат за А1он од Судот.
Утрово судењето за двајцата членови на партијата беше одложено поради тоа што предметот беше заглавен во Апелациониот суд, па судијката го немаше пред себе.
Адвокатот Сашо Дуковски исто така нагласи дека иако вештачењето било одамна изготвено, тие не го добиле.
Иако Обвинителството процени дека штетата изнесува 880 илјади денари, вештаците штетата ја проценија за 300 илјади помалку, односно 522 илјади денари.
Александар Тодески