ВИДЕО: Антикорупциска ќе го проверува имотот на ексдиректорот на МЕПСО

Од:

Антикорупциската комисија отвори предмет за ексдиректорот на МЕПСО Сашо Василевски и ќе го испитува неговиот имот, откако „А1он“ објави дека тој купил стан од фирма на осомничен во истрагата „Поштенска банка“, имот кој СЈО не побарало од судот да го замрзне.

Антикорупциската комисија ќе испитува дали со приходите што тој ги имал можел да се стекне со толкав имот, како и за начинот на кој го стекнал.

Од документите од скопскиот катастар до кои дојде „А1 он“ и од дополнителната проверка во електронскиот систем се гледа дека станот од 109 квадрати и пет квадрати гаража, Василевски, кој важи за близок човек до специјалната јавна обвинителка Катица Јанева, го купил на 30 октомври 2018 година по цена од 80 илјади евра.

Ова се случило само 17 дена откако СЈО ја отвори истрагата за предметот „Поштенска банка“, каде што осомничен бизнисмен е токму сопственикот на фирмата „Бентон“ ДООЕЛ експорт-импорт од Гевгелија, Томе Главчев, oд каде што е купен станот. Извори од СЈО за „А1 он“ изјавија дека Катица Јанева кажала тој стан да не биде замрзнат, бидејќи наводно бил проблематичен.

Станот во скопски Карпош на улица Орце Николов, Василевски го купил со кредит од банка од 55 илјади евра, а останатите ги доплатил. Станот е ставен под хипотека, а банката ѝ ги уплатила парите на фирмата на Главчев. Тоа значи дека еден квадрат од станот го купил за приближно 730 евра од квадратен метар, иако во овој дел од градот цените на становите надминуваат 1.000 евра од квадратен метар.

Би можело да ве интересира

(ВИДЕО) Ковачевски: Стабилен и сигурен електроенергетски преносен систем без технички загуби, со новиот далекувод во Овче поле

Ана Ололовска

МЕПСО: Изјавата на претседателот на македонско–бугарската комора, Кирил Лазаров е тенденциозна и апсолутно неточна

Ана Ололовска

Во Црна Гора над 23.000 странци поседуваат имот

Горан Наумовски

Склучен Меморандум за соработка помеѓу Народната банка и Државната комисија за спречување на корупцијата

Врховен им ги потврди затворските казни на Катица Јанева и Бојан Јовановски за „Рекет“

Кристијан Ландов

Судењето за милионот одложено, сведоците не дојдоа, тужените бараа да се суди без нив

Ландов