Анима Мунди: Бараме дозволи за движење на активистите кои се грижат за бездомните животни

Од:

Здружението за заштита на животни „Анима Мунди“ во пресрет на денешната владина седница побара итно да се овозможат дозволи за контролирано, временски ограничено и одговорно движење на нивните активисти. Бараат, како што наведоа денеска во соопштение, и нивните активисти да добијат истите права како другите категории граѓани чие дејствување има допирни точки со животни, како што се кинолозите, ловочуварите.

Од Анима Мунди велат дека „веќе една недела талкаат низ институционалните лавиринти со цел да обезбедат дозволи за активистите кои се грижат за бројни бездомни животни, локализирани/стационирани/уклонети од улица, кои зависат од човечка грижа и кои не можат да бидат оставени со денови без храна и вода, додека трае полициски час.

Тврдат дека од Министерството за информатичко општество и администрација каде што доставиле барање согласно предвидените процедури биле препратени до Владата и Кризниот штаб, од таму во општините, па во локалните полициски станици, но оти нема решение. Дозволи добиле само некои поединци додека други се одбиени без образложение, тврдат од Анима Мунди.

-Ние ги почитуваме мерките на Министерството за здравство и Владата, ја разбираме сериозноста на ситуацијата во која се наоѓаме и во ниту еден случај не би ги нарушиле предвидените мерки и процедури, но веќе со недели укажуваме дека е неопходно да се согледа аспектот на нашето дејствување (со кој ја помагаме државата и општините) и бараме итно да да ни биде дозволено движење во ограничен временски рок со цел грижа (храна, вода, основна ветеринарна помош) за бројните бездомни животни за кои се грижиме. Ова мора да се реши побргу бидејќи доаѓаат велигденските празници кога се најавуваат повеќе денови полициски час, стои во соопштението од Анима Мунди.

Би можело да ве интересира

Анима Мунди: Итно да запре убивањето кучиња во ЈП Лана, Струмица и да се овозможи непречен влез на активистите

„Кучиња се дават во крв додека некој се радува на победа“: Помеѓу Охрид и Струга изграден ринг за борби

Орце Костов

Анима Мунди: Се укажува на можноста вработени сами намерно да одлучиле да ги убијат животните во Зоолошката

(ВОЗНЕМИРУВАЧКО ВИДЕО) „Анима мунди“: Институциите одговорија – во нашата држава е во ред да тепаш животни

(ВИДЕО) Анима Мунди: Наместо да одговара градоначалникот Костадинов, осудена активистка

Катерина Ѓуровски

По насилните протести во Франција: Во градот Кламар се воведува полициски час