Ангеловска: 300.000 платежни картички издадени до 25 јули

Од:

Министерката за финансии Нина Ангеловска на Фејсбук објави дека заклучно со 25 јули се издадени над 300.000 домашни платежни картички.

– Сите приговори се обработени. Од 46.000 приговори – 9.200 се прифатени, од кои – 5.800 млади лица од 16 до 29 години, 700 невработени лица со низок доход и околу 2.700 вработени лица со низок доход. Картичките и за овие граѓани се испечатени и се издаваат, наведува Ангеловска во објавата.

Таа нагласува дека да се осмисли, дизајнира и имплементира една мерка како домашна платежна картичка било голем предизвик.

– Прва мерка со нов начин на имплементација – без бирократија, без шалтери и аплицирање. Координација со голем број на вклучени државни институции + банки. Исклучително краток период. Оптимално дизајнирање за да даде максимални ефекти со фокус на македонските производи и услуги, додава Ангеловска.

Министерката за финансии потенцира дека покрај главната цел на мерката – да се амротизира ударот врз економијата преку стимулирање на приватната потрошувачка, картичката дава и други значајни ефекти на патот кон современо опшество.

– Помош на граѓаните кои преку поголемата потрошувачка на македонски производи и услуги го помагаат стопанството и економијата. Кревање на свеста за домашното. Зголемување на безготовинските плаќања кои се директно поврзани со неформалната економија. Промена на навиките. Подобрување на квалитетот на дата-базите на институциите. Се работи за многу обемна мерка, која од нејзино конципирање до реализација се спроведе во навистина многу краток рок – односно од носењето на уредбата до издавањето на првата картичка поминаа само 2 недели, нагласува министерката Ангеловска во објавата на Фејсбук.

Би можело да ве интересира

Ќе се носи нов закон за платежни услуги и платни системи

А1он

Тетовец скоро цела година тајно трошел од картичката на сопругата, сега може да оди во затвор

Жарко Настоски

СДСМ: Платежни картички и за пензионерите, невработените и самохраните родители

А1он

Левица бара собраниска седница за пратенички прашања со задолжително присуство на Нина Ангеловска

Жарко Настоски

ДКСК: Кај Ангеловска нема кривична одговорност, но потребно е доуредување на категоријата судир на интереси во сите прописи

Ана Ололовска

Ангеловска: Домашната платежна картичка ја искористиле 309.337 граѓани, вкупниот промет 26,5 милиони евра

Ана Ололовска