43-годишен жител на Тетово скоро една година, без да ја праша сопругата, подигнувал и трошел пари од нејзината платежна картичка, а сумата која ја потрошил достигнала речиси 7.000 евра.
Измамената сопруга го пријавила, па полицијата му поднесе кривична пријава, информираат од МВР.
„СВР Тетово поднесе кривична пријава против С.И.(43) од Тетово поради постоење основи на сомнение за сторено кривично дело „злоупотреба на кредитна картичка“. Пријавениот, во периодот од 11.03.2020 до 05.02.2021, во повеќе наврати од платежна картичка на неговата сопруга, без нејзино знаење подигнал вкупно 419.000 денари“, се вели во полицискиот билтен.