Поранешниот генерал и лидер на „Достоинство“, Стојанче Ангелов, како пропаганден спин ја толкува иницијативата за велепредавство на шефот на опозицијата, Зоран Заев.
Како што вели Ангелов тоа е уште ден од низата обиди за поделба на народот и раздор меѓу Македонците, како и одвлекување на нивното внимание од доказните материјли против власта кои ги обелоденува опозицијата.
– Иницијативата е една од многуте пропагадни спинови на потесното раководството на ВМРО-ДПМНЕ со кое се обидуваат да го одвлечат вниманието на јавноста и да го насочат гневот на граѓаните кон лидерот на опозицијата. Но верувам дека и на последниот граѓани кој ќе се потпише на таа иницијатива му е јасно што се случува во државата – вели Ангелов.
Провладините медиуми во континуитет го обвинуваат Ангелов дека има за цел да предизвика немири и меѓуетнички конфликти во земјава.
Според некои тврдења на медиумите Агелов и Заев се здружиле со исламски фундаменталисти за дестабилизирање на државата. Поранешниот генерал вели дека токму со оваа иницијатива се предизвикува граѓанска нетрпеливост за што е обвинуван.
– Ова е само продолжување на процесот за закравување на Македонците кој започна со нивно доаѓање на власт, вели Ангелов.
Маја Васева