Амбасадорот Џес Бејли ја посети општина Битола

Од:

Амбасадорот на САД во Република Македонија Џес Бејли денеска ја посети општина Битола и оствари работна средба со градоначалничката Наташа Петровска, која ги претстави потенцијалите на градот, развојот на туризмот, индустријата, малите и средните бизниси и инфраструктурата.

– Битола има големи потенцијали кои, за жал, се уште не се искористени, но во нив има голем простор за подобрување и инвестирање. Може да се инвестира во Националниот парк „Пелистер“, како и други мерки кои може да се преземат за младите луѓе да останат во Битола, нагласи Петровска.

Престојот на амбасадорот Бејли во Битола беше во рамки на активностите и организацијата на првиот Саем на креативци на Балканот, кој од денеска до 20 мај се одржува во Битола, со учество на 20 креативни организации од Македонија.

Настанот е собир на технолошки ентузијасти, занаетчии, наставници, инженери, научни клубови, автори, уметници, студенти и луѓе од бизнисот од сите возрасти. Беше збогатен со практични демонстрации и работилници за 3Д-печатари, роботика, компјутерско програмирање и занаетчиска работа.

Би можело да ве интересира

Се бара притвор за насилникот од Битола: ја давел, ја удирал со тупаници и шлаканици

Битолчанецот пријавен за семејно насилство се предаде во полиција

Две девојчиња повредени, пожар и искршени дрвја од силниот ветер во Битола

Споменик на Јонче Христовски поставен во Старата чаршија во Битола

А1он

Антонио Јолевски назначен за в.д. виш јавен обвинител во Битола на местото на Пецо Везировски, кој е осомничен за поткуп

МВР: Претреси во дом и службени простории во Вишото јавно обвинителство Битола

Предраг Петровиќ