Американската амбасада во Скопје изрази разочараност што партиите не го почитуваа рокот до 20-ти октомври кога требаше да бидат назначени министрите на предлог на СДСМ.
Во реакцијата се наведува дека Амбасадата ја охрабрува Владата да продолжи и во брзо време да ги имплементира сериозните реформи за да се утврди независноста на институциите кои ќе ја одредат одговорноста за нелегалното прислушување и ќе ги истражат обвиненијата кои произлегуваат од нив.
Воедно ги охрабрува лидерите во Македонија да се надоврзат на прогресот кој веќе го постигнале, кој велат, претставува најдобар патоказ за излез од кризата и кој е гаранција за демократски избори во април следната година.
„Партиите пропуштија клучен рок за да се договорат сериозни прашања поврзани со развивање на Владата, заштита на “свиркачите“, и заштита на приватноста. Се надеваме дека со продолжувањето на работата на работните групи, сите страни ќе ги стават интересите на граѓаните на прво место“, стои во пораката на Амбасадата на САД.