Алијанса за Албанците: Основците седум години чекаат училиште во Мала Речица

Од:

Алијансата за Албанците од тетовска Мала Речица бара одговор зошто досега не е исполнето ветувањето за изградба на основно училиште во ова населено место. Тие фиктивно и симболично поставија макета на училиште и наводен инвеститор. 

– Ние сме овде пред основното училиште во населбата Мала Речица за кое беше ветено во 2013 година дека ќе биде изградено од кинески донатор кој е присутен со нас денес на инаугурацијата на ова училиште. Но, како што можеме да видиме, за жал, кинескиот донатор, како и многу кинески производи, се покажа како лажен, исто како и ветувањето на Теута Арифи од 2013 година. Ветувањето за изградба на ова училиште беше дадено и на парламентарните избори во 2016 година и локалните во 2017 година и стана повеќе од 7 години и тоа ветување никогаш не се оствари. Најголемата катастрофа е што на 14 јануари годинава одлуката за изградба на ова училиште ја најави министерот Арбер Адеми, кој повторно се обидува да ги исмее потребите и чувствата на жителите на Мала Речица, рече Доника Бакиу од Алијанса за Албанците.

Според неа, потребата за ново училиште е голема бидејќи децата ризикуваат одејќи пеш до школскиот објект во Голема Речица.

– Жителите од населбата Мала Речица го чекаат ова училиште повеќе од седум години затоа што потребата за основно училиште тука е и реална и преголема. 800 до 1.000 деца ги ризикуваат своите животи секој ден затоа што се принудени да минуваат патеки со чест сообраќаен сообраќај за да го остварат своето човеково право на училиште во веќе преполни училници. Затоа, повеќе од ветувањата на изборните активности, децата сакаат решенија. Повеќе од пропаганда тие сакаат училиште и образование во нивното соседство. Нашата порака е да не бидат измамени жителите на Малата Речица на  време на кампања како многу пати пред тоа. Изградбата на ова училиште ќе се случи по 12 април, затоа што тогаш оние што не ги исполнуваат ветувањата, повеќе нема да можат да ги разочараат невините граѓани на Мала Речица, рече Бакиу.

Би можело да ве интересира

Рушити: Верзијата на законот за ЈО се разликува од договорената

Ана Ололовска

Алтернативa: Се договоривме за коалиција со Алијансата за Албанците

Предраг Петровиќ

Официјално е постигната коалиција меѓу Алијансата за Албанците и Алтернатива

Драган Поповски

Села: Една политичка партија не треба да го блокира донесувањето на законот за јавно обвинителство

Ана Ололовска

ВИДЕО: Учениците го изненадија својот наставник со нов пар на патики

А1он

Рушити: Ќе поддржиме распуштање на Собранието

Ана Ололовска