Од Алијанса за Албанците велат дека институциите се алатка за криминал на градоначалникот на Струга Рамиз Мерко.
„Арогантното и неодговорното однесување на градоначалникот на Струга, уште еднаш покажа дека дивите градби во Струга се прават со знаење, амин и згора на тоа и со негово стимулирање. Повеќето од тие што градат околу езерото и не само, ги кажуваат истите зборови: „Се договоривме со Рамиз“. На овој уништувач на секоја вредност и богатство на граѓаните на Струга, не му е местото таму“, пишува во соопштението од Алијанса за Албанците.
Тие ја повикуваат полицијата, Обвинителството, Судот и Владата, да преземат мерки се додека не стане предоцна.
„Нашето богатство се уништува и узурпира. Додека организираниот криминал цвета на секој агол на Струга“, пишува во соопштението.
