Околу 60 средношколци од земјоделско шумарското училиште „Ѓорче Петров“ од Кавадарци денеска пошумуваа во кругот на „Фени индустри“. Акцијата ја координираа професори од училиштето и вработени во комбинатот за фероникел.
– Акцијата освен денеска ќе продолжи и утре во рамки на практичната настава на учениците. Се садат багреми кои треба да ја спречат ерозијата на теренот. Околу 3 илјади садници ќе се насадат во текот на двата дена. Оваа пролет ќе посадиме околу 10 илјади садници, изјави менаџерот на администрација, Зорица Ставрова.
Пошумувањето, како што рече, е континуитет во нашата компанија, а откако постоиме имаме посадено околу 100 илјади садници кои редовно се обновуваат.
– Сегашните садници се добиени во соработка со подрачната единица на Минстерството за земјоделство, шумарство и водостопанство и подружницата на Македонски шуми „Бор“ од Кавадарци, рече Ставрова.
Таа додаде дека пошумувањето е исто така дел од нивните општествено одговорни практики.