Претседателот на Демократската унија за интеграции (ДУИ), Али Ахмети утре и задутре ќе престојува во посета на Албанија.
Според ДУИ, Ахмети ќе биде во официјална посета на Тирана. Утре тој ќе биде примен од претседателот на Албанија, Бујар Нишани, од премиерот Еди Рама и од претседателот на Собранието, Илир Мета, а ќе разговара и со претседателот на Демократската партија и градоначалник на Тирана, Лулзим Баша.
Во сабота Ахмети, според најавата од ДУИ, ќе има средби со политички претставници во Тирана.