Ахмети: Победата во Тетово е важна за ДУИ

Од:

Тетово е центарот на Албанците и токму затоа ни е важна победата во овој град, порача вечерва од промотивната Конвенција во центарот за култура Иљо Антески Смок во Тетово претседателот на ДУИ Али Ахмети.

– Тимот што вечерва стои зад мене е победнички. Ова се луѓето на чело со кандидатката за градоначалничка Теута Арифи кои имаат храброст и желба да го водат овој важен центар за Албанците. Ќе ја имаат целата поддршка од ДУИ за победа на изборите, а потоа започнува работата и реализирањето на нашата програма. Ние сме тимот што носи иднина и промени, рече Ахмети

Кандидатката за градоначалничка на општина на Тетово Теута Арифи потсети на сработеното изминативе четири години, но, рече оти промените не се доволни па токму затоа се бори за уште еден мандат.

-Пред четири години затековме град со низа проблеми, град кој 20 години имаше проблем со нормално водоснабдување, но, ние успеавме тоа да го решиме. Изградивме нов водовод, а за следните две години предвидуваме и реконструкција на стариот водовод – еден комплексен процес што ќе обезбеди здрава вода за сите. Изградивме паркови, воведовме зонско паркирање. Но останува уште да се сработи. Токму затоа овие избори ни се важни за да продожиме каде што застанавме, изјави Арифи.

Би можело да ве интересира

ДУИ нуди „рамковен договор“ за економијата, бизнисот бара владеење на правото

ДУИ: Мицкоски стравува од победничкиот Европски фронт

Катерина Ѓуровски

ДУИ: Меџити призна дека тој одлучувал за легализациите во Чаир, а не законот

Мендух Тачи и Аријанит Хоџа се приклучија на Европскиот фронт на Ахмети, се чека крилото на Села

Орце Костов

Според тетовската полиција, кучето кое со страотни крици падна од зграда,никој не го турнал

Катерина Ѓуровски

ДПА го дефинираше учеството во коалицијата на ДУИ