Адвокат близок до Заев, ќе добива по 2.500 евра во одборот на Телеком

Од:

Новиот претставник на Владата во Одборот на директори на Македонски Телеком, Игор Милев, за извршувањето на функцијата претседател на одборот од редот на неизврши членови, ќе добива месечен наместок од 2.500 евра, одлучи Собранието на компанијата на денешната седница.

„Собранието на Друштвото определува нов месечен надоместок на Претседателот на Одборот на директори во нето износ од 155.000 денари. Месечниот надоместок на останатите членови на Одборот на директори на Друштвото којшто е утврден во Одлуката за определување на месечен надоместок на членовите на Одборот на директори на Друпштвото од 18.12.2007 година останува непроменета“, стои во одлуката.

Владата го предложи Игор Милев за претседател на Одборот на директори на „Македонски телеком“ од редот на неизвршни членови во мај оваа година, а откако Зоран Китанов, дотогашниот предлог и претседател, одлучи да се повлече од таа позиција.

Утврдувањето на новиот месечен надоместо за бившиот советник од Царина, Милев значи дека ќе зема повеќе од двојно помалку од својот претходник.

Според извештајот за работењето на „Македонски телеком“ за 2022 година, во текот на која Китанов беше претседател, тој за ангажманот добивал по 372.000 денари месечен надоместок.

Во предлог-одлуката за утврдувањето на новиот месечен надоместок на Милев стои и дека освен неговиот надоместок, друго не се менува, односно другите членови ќе земаат иста сума како досега.

Членови на Одборот на директори се и Садула Дураки, кој минатата година имал надоместок од 93.000 нето, како и Нина Ангеловска, со надоместок од 62.000 во нето-износ, колку што добивале и Бардул Насуфи, Шкодране Дарлишта и Аќиф Медиу.

Милев доаѓа од Царината каде беше советник на генералниот директор додека директоруваа тројца функционери на СДСМ. Тој беше член на Државната изборна комисија по предлог на СДСМ, а беше и раководител на правната служба на акционерското друштво „Јака 80“ од Радовиш од каде потекнува. Во 2013-та, Милев беше кандидат на СДСМ за градоначалник на Радовиш и изгуби. Милев е близок човек на бившиот премиер Зоран Заев.

Би можело да ве интересира

Максим Димитриевски собра 10 000 потписи за кандидатурата за претседател

А1он

Али Ахмети сака да се трка со Таравари, поради него ќе се кандидира за претседател на Македонија

Александар Тодески

Таравари: Време е Македонија да добие претседател Албанец, ќе барам поддршка и од македонските партии

Орце Костов

Честитка од Пендаровски за Водици

А1он

Вилијам Лаи е новиот тајвански претседател

Горан Наумовски

Спасовски не даде конкретен одговор дали ќе се кандидира за претседател

А1он